Menu

IMF yatangaje ko ubukungu bw’u Rwanda buziyongeraho 0.3% ugendeye ku mwaka ushize 2016!!!

Ikigega Mpuzamahanga cy’Imari (IMF) cyavuze ko ubukungu bw’u Rwanda buzazamuka ku kigero cya 6.2% kivuye kuri 5.9 % muri 2016.

Mu igenzura rya kabiri ry’iki kigega risuzuma uko u Rwanda ruri gushyira mu bikorwa gahunda zigamije izamuka ry’ubukungu n’imari, Policy Support Instrument (PSI), IMF yavuze ko izamuka ry’ubukungu bw’ u Rwanda rizatizwa umurindi n’urwgo rw’ubuhinzi , iterambere mu byoherezwa hanze, ndetse no kugabanuka kw’ibyinjizwa mu gihugu.

Icyo kigega kivuga ko politiki ya Guverinoma y’u Rwanda yo guteza imbere ibikorerwa imbere mu gihugu no gukoresha ibikorerwa mu karere no gushyira imbere agaciro k’ibyoherezwa hanze, bizatuma ubukungu bw’u Rwanda bukomeza guhagarara neza.

Nk’uko The New Times yabyanditse, mu nama yahuje IMF na Guverinoma y’u Rwanda kuri uyu wa Mbere, Uwari uhagarariye itsinda rya IMF, Laura Redifer, yavuze ko ubukungu bw’u Rwanda bwitezweho kuzamuka bitewe n’ibihe byiza by’imvura rwagize no kuba rwarateje imbere ibikorerwa imbere mu gihugu.

Itsinda rya IMF ryavuze ko ibiva hanze byagabanutse ugereranyije n’umwaka ushize wa 2016, bitewe ahanini no gushyira imbaraga mu bicuruzwa na serivisi byoherezwa hanze no kugabanuka kw’ibitumizwa mu mahanga.

Imibare yatangajwe na Banki Nkuru y’u Rwanda muri Mutarama, igaragaza ko ibyinjijwe mu gihugu byagabanutse biva kuri miliyoni 1,602.21 z’amadolari bigera kuri miliyoni 1,519.97$ mu mezi 11 ya 2016.

Redifer yagize ati “Guverinoma yanashyize mu bikorwa politki ya Made in Rwanda ishyigikira ikoreshwa ry’ibicuruzwa by’imbere mu gihugu no guteza imbere ibyoherezwa mu mahanga”

IMF yagaragaje ko no guta agaciro k’ifaranga ry’u Rwanda byaterwaga n’igabanuka ry’ibiribwa rizagabanuka, kuko ikirere cyabaye cyiza ku buhinzi.

Ubwo yavugaga ku cyizere cya IMF, Guverineri wa Banki Nkuru y’Igihugu, John Rwangombwa, yavuze ko Guverinoma yari ifite icyizere cy’uko ubukungu buzazamuka uyu mwaka.

Yavuze ko Isi itahungabanye cyane mu by’ubukungu ugereranyije n’umwaka ushize ndetse ngo n’ikirere cyabaye cyiza.

Usibye ikibazo ikibazo cy’ihungabana ry’ifaranga cyafashe intera ugereranyije n’uko byari byitezwe mu 2017, yavuze ko byari biteganyjwe ko bigabanuka ku kigero cya 6-7 % mu mpereza z’uyu mwaka.

Ku kibazo cya nkongwa benshi batekereza ko gishobora gutuma umusaruro w’urwego rw’ubuhinzi ugabanuka n’ubukungu muri rusange, Guverineri Rwangombwa yijeje ko ntacyo bizahungabanya kuko cyavugutiwe umuti usharira hakiri kare.

Habarurwa ko nkongwa yangije 16% by’umusaruro w’ibigori ariko Rwangombwa avuga ko ibyo bitazasubiza inyuma urwo rwego.

Please Like Our Facebook Page

RADIOSAFI

TOP 10 MUSIC HITS

 

  • 1.IF (Rmx) Davido Ft R,Kelly
  • 2.Skin Tight (Rmx) Mr Easily Ft Rita Ola, wizkid
  • 3.Kami – Kid Gaju ft The Ben
  • 4.I miss you – Diamond platnum
  • 5.Kid Gaju ft The Ben
  • 6.Awaa – cabo snoop Ft Olamide
  • 7.JeJe – Falz
  • 8.African Bad Gyal Wizkid Ft Chrisbrown
  • 9.Fall – Davido
  • 10.Ikinya – Bruce melody

 

just for laugh (african comedians)!!!

Mentally ill TEACHER MPAMIRE

TUNEIN

ADD

some text

sponsored ADD

some text
some text

MuGOLDS INTERNATIONAL FIRESAFETY

MuGOLDS INTERNATIONAL FIRESAFETY
PHONE: (+250) 7850439/ (+250) 787807404
Email: mugoldsinternational@gmail.com
KN14 Av. plot No.21, Kimihurura, Kigali-Rwanda some text some text
WP-Backgrounds Lite by InoPlugs Web Design and Juwelier Schönmann 1010 Wien